Verlore

Mir si im Paradies
Si gfesslät bis zum Änd
Kämpfe gäge Windmühli
Rennä gägä Wäng
Aues oder Nüt
U si hautäs für Erfoug ha
Wiukommä i dr erstä Wäut
Gfange i däm Woustand
Verlorä i däm Paradies
Ke Charte womer hei zeigt
Hie chasch auäs choufä
Auäs ussert Freiheit
Mach nur was dr gseit wird
Si hautäs für Erfoug ha
Wiukommä i dr erstä wäut
Gfange i däm Woustand
I dim vertroute Land, wirds chaut uf einisch
Wo Chrieg kes Verbräche isch
Spauti Politiker, Gwaute-Teilig
Jetzt wird unter de Arme di Ghaut verteilt
Dim Richtum wird dr Chrieg erklährt
Vom Paradis zum Kriseherd
Wetsch meh? Kei Problem
I nim dir öpis vo dire Begierde wäg
Wenn di eigete Fründe im Umfäud
Ke Grundwärte kenne
Sötsch nid vo umdänke rede
Sondern grundlegend renne
Ihre Aerosol im Louf, reize meh, aus nur e Kornea
Öffne d`Türe zur Pandora, beende di Wohlstand
Läb di Dream und so
Im Hamsterrad chlei witercho
Mi haub Fründeskreis
Isch es Chrankekasse-Risiko
Aber easy, hie chame sech
Mit Lieder mache tröschte
Z Glück lit vergrabe zwüsche
Zwöi Vita Parcours Pöschte
Ds isch für au wo vor Statistik
Nid erfasst wärde
Abchratzt, abkratzt wärde
Vo Bahnwärter
Luschtig glich, ds si düä
Aus gäbs ke Ungerschid
Es paradies für au
Wo uf haubem Wäg nid ertrunke si
Unger mine haar
Hani Chrieg im Chopf
I söu aus choufe obwoui
Nüt u Niemer vo Niene wot
Aua mir si tot
Aues glänzt, aues passtmer
Hähä lustig wi Zahnpastaposterlache, schön
Wi so bravi Grafikspasste grüeni logos baschtle
Für uf Plastikschale
Vo mim Aludose Kokoswasser
Hei het ds schön und heil ä Pris
Tränä tröchne heimlech i
Mis Spiu heisst Mönsch zeig nid dis Gsicht
Opfres geng höcher gleite Ziu
Machmi grösser rein zum Schiin
Ws anstatt z tröschte eim uffrisst
Di Muschter löse leider nid
Z Problem si brönnes uf ewig i
Säubschtzerstörig s Ventiu
Ä Dosis Fröhlechkeit uf Zit
Doch au ds Betöibe lehrt mr nid
Wimä z innre Löcherbecki flickt
Bi nid gstört — bi eifach ig
U wosech d Möglechkeit ergit
Vrlibt öich z störe mis Prinzip
Egau wi töif dr Chefig sitzt
Mir si im Paradies
Si gfesslät bis zum Änd
Kämpfe gäge Windmühli
Rennä gägä Wäng
Aues oder Nüt
U si hautäs für Erfoug ha
Wiukommä i dr erstä Wäut
Gfange i däm Woustand
Verlorä i däm Paradies
Ke Charte womer hei zeigt
Hie chasch auäs choufä
Auäs ussert Freiheit
Mach nur was dr gseit wird
Si hautäs für Erfoug ha
Wiukommä i dr erstä wäut
Gfange i däm Woustand
Gimer chli vom schnäuä Gäud
Wo no schenuer widr wäg isch
Gimer doch es app
Wo berächnet wasi wärt bi
Oder zeigt wär in ächt bi
U weli Produkt drzue passe
Warte sehnsüchtig im Waud
Ufd Aggressionä vor Masse
Si jagä Flüchtendi ids Hingerland
Aus gäbs drfür ä Grund
Düe ir Zäuä dr letschd Atemzug
U niemer fragt warum
Dini Sicherheit es Gfängnis
D Wärter sit dir säuber
Au zämä ire Zäuä
U trotzdäm so allei
We ne schwarzi Wuuche us Benzin
Us Gottes Bullewanne stigt
Ligt drunger kes Prinzip
I gloub dir suechet aui z’wyt
Ds isch kes Mittu, s’git ke Zwäck
We weder Dungerhaute mittus Gwaut
No Ungerhautig griift
Wird nur no Wuet manifeschtiert
Nid berächnend, doch berächtigt
Churz i Schatte z’lüchte
La se fürchte
Gfauni Ängle lade d’AKs düre
Ds si mini Lüt
Mir stärbe täglech chly
Doch hüt nid, nä-ä!
Mini Mam het Angscht um mi
I luege, dass is überläbe
Zwüsche Bankä u dä Ichoufszänträ
Hockt ä brochnä Ma am Bodä
Spricht Passante a
Fragt sä für es paar Aumosä
Näbe Riseblöck vou Büros
Vo dä Grosskonzärnä
Praut ä jungi Muättär
Zwüschä frömdparkierti Bonzechärä
So geits hiä jedä Tag
Mä weisses aber ändrets nid
Läbä nachem Motto
Wär ke Peitschä gspürt dä kämpft nid mit
Armuet gits hie nid hie
Wird jedä vo dä Bonis fett
Für angri gits äs Sozamt
Ämu wed ä festä Wohnsitz hesch
Par Jungs si i Knast gange
Ja z Läbä isch hard Bro
Und i trage Handschäue
I Form vomene Smarthphone
Du bisch iz dick imene Gschäft
Vo dim Per dinn
Ha zwar mau sone Lehr gmacht
Doch deale macht grad me Sinn
Aute nennmi nume woustandsverwahrlost
Ir Vorstadt am Bahnhof
Am vou la du Arschloch
Du wetsch chli macht ergriffe
Riich wärde u Ohrnig schaffe
I randaliere mitere
Ralph Lauren-Polo Jagge
Mir si im Paradies
Si gfesslät bis zum Änd
Kämpfe gäge Windmühli
Rennä gägä Wäng
Aues oder Nüt
U si hautäs für Erfoug ha
Wiukommä i dr erstä Wäut
Gfange i däm Woustand
Verlorä i däm Paradies
Ke Charte womer hei zeigt
Hie chasch auäs choufä
Auäs ussert Freiheit
Mach nur was dr gseit wird
Si hautäs für Erfoug ha
Wiukommä i dr erstä wäut
Gfange i däm Woustand