Ufenang ufpasse

Du hesch z Gfüh es sig aus i Ordnig
Solang säch niemer meh beschwärt
Abr di Wäut da uss isch geng chli
Komplizierter aus dä dänksch
Weni ehrlech bi, bini z schwach
Oder z bequem um d Realität z vrchrafte
Drum distanzieri mi lieber
Aus z riskiere dsi ä Fähler mache
Jedä vo üs dänkt glich
Mir si doch ähnlecher aus meinä
Dini rationale Argument
Chöi mis Härz nid ganz erreiche
Z Lidä vodr Wäut spieglät säch
Idr lääri vo mim Blick
U wes mi säuber de mau betrifft
Hoffi ds d Wäut mi nid vrgisst
Ig appeliärä a Jedi und Jedä
Äs hiuft sehr weni sich numä ufzregä
Z’luägä u z’redä ke Muät sich z’bewegä
Hüt lieber nid wägä tuusig Usredä
Mä muäss ja nüt reglä wo nüt isch passiert
Und lug di angerä Lütt si ja hiä
Dass dr erscht Schritt dr schwerst isch
Sött üs langsam aunä klar si
U i dere Hektik wär z’Bestä
Wider für änander da z’sy
Wiu hiä und jitz muäss ä Handlig härä
O mitem Risiko missverstandä z’wärdä
Momäntä zum häufä si schnäu verschwundä
Dr nöchscht chönt einä sy
Doch Konsequänzä wosch nid säuber verschuldä
Da isch Mönschlechkeit drby
Nach dirä Theorie bisch du
Wahrlech wiä Christus
Im Real-life: soziale Autismus
Zwüsche Empathie und Ohmacht
Si Norme nur e Widerhau
Vo Mönschlechkeit e Stumme Schrei
E Soll-Wert, es Ideal
Wie vieli blibe stah
Wirke Szene zu brisant
Verzie ke Mine
Us dr sichere Distanz
Vilicht bruchts meh Mönsche
Wo diä Ethike hiä vor-lebe
Di inneri Ruhe cha d`Wäuä
Vor Eskalation breche
Lueg nid wäg, nid einisch
Wenn du wosch wüssä was los isch hie
Bitte Lueg nid wäg, Keis Mau
Lueg nid wäg, nid ewigs
Du hesch ä Häufendi Hand verdient
Darum luegi nid wäg
Keis Mau
Si wei hiä aues überwachä
Aber vergässe zunenang zluege
Was fürne truurigi Ironie
Au häbe d Frässe odr versueches zmingst
Jede luegt nur zu sim eigetä Gartä
Und wens mau angersch wird
Sy leider gad aui, eifach am starrä
Warte druf dass ghandlet wird
Ä Gseuschaft vouer Gaffer
Völlig frei vo Empathie
Doch für das mau zreflektierä
Fäuht üs leider grad chlei zyt
Was no bliibt
Ä hiuferuef isch niemaus unadressiert
Drum mach dr erscht Schritt
We du gsesch ds öperem unrächt passiert
Friti am Abe loufi vom Baldachin
Richtig Bahnhof
Höchi Tibits lääre paar agheiteret
Schreiende Büezer ihri Gaschos
Vis à vis s Teeniepärli
Vilech 14, vilech o 15
Bsoffnig Dude im Rügge zückt si Meter
U stecktnä m Meitschi i ihres Füdle
Jungs am johle, Kids hei Angscht
Rundume zig Passante wosech blind vrhaute
Wöu Ziviucourage wär ja zviu vrlanget
Drum lieber d Ouge abe
Und ufds Display starre
Itz loufi diräkt dra häre
Dänke i säge nid nur wsi miech
I bi dunger mit däm woni gmacht ha
Wi hättisch du reagiert?
Si gset mi i imänä Ougäwinku
Dänkt verzwiflät d Hoffnig naht
Gseh d Angst i irem Gsicht
U dänke mir, blib bloss nid stah
Hör uf häräluägä
Louf witer si rüeft di Angrä
Am Schluss bi i no tschuud
Wüu i bi drzwüschä gangä
Viläch het o si agfange
I ha ja o nid auäs gseh
Si schreit zimlech lut
Sicher duets ire nur haub so weh
U wenis när ir Zitig gseh
Ischs glich nid aus so easy gsi
Säge bis zum übernächstä Mau
Nächst Mau griffi i
Lueg nid wäg, nid einisch
Wenn du wosch wüssä was los isch hie
Bitte Lueg nid wäg, Keis Mau
Lueg nid wäg, nid ewigs
Du hesch ä Häufendi Hand verdient
Darum luegi nid wäg
Keis Mau