Tuusig Farbe

Ig ha glost mitem offnä Ohr
Dänkt mitem gscherftä Sinn
Ig muess niemerem go zeige
Wär ig würklech bi
Ig ha gseh mitem offnä Oug
Gluegt mit em bösä Blick
Ig muess niemerem go zeige
Wär ig würklech bi
Si heimi wöue brämse, belehre
U hei immer aus chli besser gwüsst
Doch i hane nid gloubt
I sta hüt amne Punkt wo ig cha säge
Aute i hät mirs nid angers gwünscht
Keni Wäge verbout
Roti Ouge lähre Blick
Jede fragtsech wär des isch
Üsi 4 Buechstabe
I jedes scheiss Fänschter gritzt
Texte afe schribe
Gmerkt das isch genau wasi bruch
Nach permanäntem Bullestress
Undem zwöite Nasebruch
Aute i ha nie öper Bytet
I bi scho geng mi säuber blibe
U früecher würklech niemaus dänkt
Das ig irgendeinisch Rapper wirde
Wüu i hase aui pinlech gfunge
U Punkrock i mim Zimmer glost
Sache kapputne, Ufstang mache
Dope ga hole im 7. Stock
Ig bi nüm dr glich wi früecher
O we ds vili geng no dänke
Und ig ha sowas vo ke Bock druf
Mini Zyt mit öich z vrschwände
Ig bi nä glücklechä Sysiphos
Uf dr Suechi nach säch säuber
U z magische Theater
Ligt nur es paar Stufä
Entfärnt im Chäuer
Aber aube bini nüm sicher
Obi di Szene nur erfindä
Ig trägä doch hunderttuusig
Vrschideni facette i mir innä
Ig bruche Ruum zum mi säuber z si
Doch dir löt mi nid lah schnufä
U d Frag wäri bi beschränkt säch nur
Uf d Wörter woni bruchä
(Weisch) iz bini 26i
(no lang nid erwachsä)
Und fingä mi no gäng nid
Zrächt hie (nei nie)
Dr jüngst vor Truppe
S’isch Tatsach (Tatsach)
Aber langsam müessti ä Plan ha
Us Musig und chli Publikum
Isch nüt wordä bis iz (nei)
Us dr Uni und mim Studium
Isch nüt wordä bis iz (nei)
Figg dr Richter hei mr
D Kids geng gseit
Vom Wissestei (Wissestei)
Mau luege wi ds witergeit
(yeah yeah)
Tschernobil explodiert
Ig erblickä z Tagesliecht
Jede Schritt strahlend
U scho ghörsch vo mir z erstä Lied
I ha scho Konzärt gha
Da hani no kei Gäut kennt
Ig ha Lütt ufgnoh
U nüt vo der Wäut gseh
Ig bi dä, wo immer weisch dases louft
Selfmade zwöi Häng länge zum Erfoug
Niemer hets gloubt
Bis mer Bombene hei bout
U när aui üsi Aubä
Im ne Abä hei verchouft
I ha scho denn gwüsst
Bi jung und unerfahre
Es geit drum i tusig Farbe
Zinnerste gäg usse ztrage
Mängisch ischs eh Grund zum atme
Oder so wie Ritalin, aber immer chli
Ar eigete Utopie zwit hingedri
(Es längt nie)
Kunst isch eh ärnschtgmeinti
Antwort uf Fangfrage
Z Gfängnis blibt aber immerhin
Darfis chli amale
(jaaaa) und schlussändlech
Ischs eh klägleche versuch
F*ck i rap nid wiui wot mann
I rappe wiui mues
Ig ha glost mitem offnä Ohr
Dänkt mitem gscherftä Sinn
Ig muess niemerem go zeige
Wär ig würklech bi
Ig ha gseh mitem offnä Oug
Gluegt mit em bösä Blick
Ig muess niemerem go zeige
Wär ig würklech bi
Si heimi wöue brämse, belehre
U hei immer aus chli besser gwüsst
Doch i hane nid gloubt
I sta hüt amne Punkt wo ig cha säge
Aute i hät mirs nid angers gwünscht
Keni Wäge verbout
Chume ou nach über 30 jahr
Immer no nid mit däm gschyss klar
Wie weit dir wüsse wär genau i bi
Wes nidemau ig cha — sligt a mir
Z Hingerfrage gseht me mire Stirn ah
Im Zwyfusfau bini haut
Nid so ideau wie dir da
Es chunnt mir vor aus chumi nur
Zum mini Rundä dräihä
Yre Wäut wo au so tüe
Aus ob si öpis bsundrigs wärä
So chly unbeschwärt, ohni Umständ
So viu gfundä hättä
Während i ständig ungerschätzt
Fäng ungefähr mi Punkt erklärä
Anti- Aues-BPM
Vorbiud: Vork-one
Was geit mit euch
Cirka 200 Wörter i mim Wortschatz
Ihre Ouge bohre sich tief
Dür mini Sensorik, Zink-Dunst
Schwäri Akte, Sinkflug, blindi Wuet
Doch hie fliesst Bluet, dürnes Atrium
Wo gnue het, vo Gwaut und Sturm
Jede wo seit, er versteit, dä geit
Kreativ mit dr Wahrheit um
Ou nach tuusig harde Boxä
Unzerstörbar, Axolotl
Ke Wörter, das si Gfüu
Si chöme ufe doch i säge STOPP
Theodor Arrow
Wo scho ging uf dini Crew schisst
Mi kennt o ke Sou
Wi dr Dritti vo dä Fugees
Unschinbari Art
Doch kes unbeschribnigs Blatt
Schwizer Rap isch easy whack
Doch i machäs dummerwis sit Jahr
Ä risigä Fauxpas
Aber mängisch muäss mäs düräboxä
Mundiger Zougass G
Statt Gringä lieber Sprüch am chlopfä
Ä «immer Gwinner»
Chinderzimmer, Ring am Finger
«Raider» so wi Twix Früecher
Theo i dä Gschichtsbüecher
Bi nid dä wo du wosch gseh i mir
Nid dä woni hät söuä si
Nei i ha kämpft
Dasi dä woni ha wöuä bi
I bi damaus scho aus Gassegoof
Mit Absicht usem Raster gheit
Nid gmacht was i hät söuä sondern
Das wo haut grad passt u geit
Vom Heimching zum Kurvägänger
Asozialä Arbeitslosä
Voupumpt mit Aukohou
Uf abnormalä Partydrogä
Hami nomau gfangä ja
Us mir isch öpis wordä
U wäri hüt wär dir heit wöuä
De wäri förmläch gstorbä
I öine Chöpf in vrdräiet dir
Aus ds Chnöile zu Style
I bi sit immer ä Mittufinger uf Bei
U beröie ä Scheiss
I trägä z Härz uf dr Zunge
Chume drum im Läbe mau drunger
Dir schwinget Rede, simer ehrlech
Ischs wichtig häbet dr d Schnure
I ha im Rügge dr Winter u glehrt
Nüt isch für immer/
Hüt macht ds Fürchte im Innre
Öppis z vrlüre ke Sinn meh
Wär i bi ds zeigt mi Wäg
Zmingscht erkenni wasmi prägt
Du seisch du kennsch dr Sam
Aber ws weisch du vo mim Schmärz, hä?
Ig ha glost mitem offnä Ohr
Dänkt mitem gscherftä Sinn
Ig muess niemerem go zeige
Wär ig würklech bi
Ig ha gseh mitem offnä Oug
Gluegt mit em bösä Blick
Ig muess niemerem go zeige
Wär ig würklech bi
Si heimi wöue brämse, belehre
U hei immer aus chli besser gwüsst
Doch i hane nid gloubt
I sta hüt amne Punkt wo ig cha säge
Aute i hät mirs nid angers gwünscht
Keni Wäge verbout