Leibnizflow

Ich würd gern säge das alles guet isch
Doch was alles guet isch das zeigt sich no
Besser chunsch abe vo dim Ross
Lueg abe vo dim schloss
Ich han juice, du häsch Leibnitzflow
Part LUUK:
Dave bringt de mood ich roll us wienen Teppich
Ich Lueg News und wird depri
Und will mis dänke hütt so vernetzt isch
Weissich alles isch am Ändi so verletzlich
Ich luege zue verzell der vo minere Wält
Mir lerned zwenig übr inneri Wert
Was würklich wichtig isch wird eusn Chinder nöd glernt
Empathie die wichtigscht form vo Intelligänz
Du keisch im Raster schnäll durre
Vorem Konto drü Nulle
Konto bliibt dunne, ich find en Wäg aber wo gaht er durre
Ohni Kompass und Spure
Ich kille aber sisch kei Mordwaffe ume
Ich bin im Krimi wie Columbo
Immer fresh wienes Shampoo
Immer ufde suechi nachre Antwort
Aber striche dur die Nacht wienes Phantom
Ref:
Ich würd gern säge das alles guet isch
Doch was alles guet isch das zeigt sich no
Besser chunsch abe vo dim Ross
Lueg abe vo dim schloss
Ich han juice, du häsch Leibnitzflow
Ich würd gern säge das alles guet isch
Doch was alles guet isch das zeigt sich no
Besser chunsch abe vo dim Ross
Lueg abe vo dim schloss
Ich han juice, du häsch Leibnitzflow
Part Dezmond Dez:
Chum bini gebore gsi, hei si gseit, ds z’Läbe duss ä Kampf sig
Drum tragi sit de Chindertage Khakis
Warum no dänke, wes bestraft wird? -
Si si es Läbe lang im Schlummermodus gsi
Jitz wei si plötzlech aui wach si —
Ir 36te Echochammer füeuht sech jede wine Shaolin
Lacht ine Spiegelsaal zwüsche Fitnesswahn u Profilierigszwang
Was keni Gfüeuh het, addiert sich da —
Fragmentierig isch Programm
Ig u dr Tüfel spiele Fangis
Dert uss ufem Gedankestrich
Wo jedi Hand zur Chlaue wird
U z’letschte Wort ä Zahl isch
Wo Fantasielosigkeit vrchouft wird aus Erwachsesi
Doch i füehl mi wine Passagier i z’Paradies
Sitem Tag, woni us eune Tröim erwachet bi
Ref:
Ich würd gern säge das alles guet isch
Doch was alles guet isch das zeigt sich no
Besser chunsch abe vo dim Ross
Lueg abe vo dim schloss
Ich han juice, du häsch Leibnitzflow
Ich würd gern säge das alles guet isch
Doch was alles guet isch das zeigt sich no
Besser chunsch abe vo dim Ross
Lueg abe vo dim schloss