Eh, Deyəcəksən Ki

Qəlbi qəlbim ilə söz açan uzun
Dodağıyla silən alın tərimi
İstərəm sənintək gözəlim olsun
Sənə həsr eləyim əsərlərimi
Bir ömür istərəm, həyat yarımı
Yaşayım bu ömrü başdan-başa mən
Silmək üçün, yumaq üçün günahlarımı
Tuş olum gülləyə, dəyim daşa mən
Eh, deyəcəksən ki, bu nə şeirdir
Bu şeiri yazanın başı çatışmır
Mənim öz sözlərim özümə sirrdir
Qəlbimdən asmağa daşı çatışmır
Deyəcəksən ki, bu nə şeirdir
Bu şeiri yazanın başı çatışmır
Mənim öz sözlərim özümə sirrdir
Qəlbimdən asmağa daşı çatışmır
Bir səhnəm istərəm, olsun özümün
Mən yazım, sən mənə tamaşa göstər
Verim çiçəklərin sənə 100-ünü
Sən də dodağımdan öpəsən, gözəl
İstərəm ən yaxşı kinolar çəkim
İstərəm ikimiz oynayaq orda
Eh, bu arzulardan necə əl çəkim?
Hardasan, sevgilim, hardasan, harda?
Bağışla, bağışla, İlahəm, məni
Unut bu sözləri, sanki yox imiş
Yəqin qismətimdir çəkmək dərd-qəmi
Yəqin bu dünyada sevgi yox imiş
Qəlbi qəlbim ilə söz açan uzun
Dodağıyla silən alın tərimi
İstərəm sənintək gözəlim olsun
Sənə həsr eləyim əsərlərimi
Eh, deyəcəksən ki, bu nə şeirdir
Bu şeiri yazanın başı çatışmır
Mənim öz sözlərim özümə sirrdir
Qəlbimdən asmağa daşı çatışmır
Deyəcəksən ki, bu nə şeirdir
Bu şeiri yazanın başı çatışmır
Mənim öz sözlərim özümə sirrdir
Qəlbimdən asmağa daşı çatışmır