Sprachbarriere

Mia wuin amoi ins Fernsehn nei
Und ins Radio bittschen a
Zu oan der besten Sendezeit
Des wa doch wunderbar
Auf da ganzen Welt Konzerte spuin
Im Publikum nur scheene Fraun
Jeder Abnd ausverkaft
Des wa schön anzuschaun
Doch I fiacht, dass des nix werd
Es hom si a Leid scho beschwert
Wei oa Soch, de is wirklich bled
Weil uns hoid kaum oana vasteht
Mia singan boarisch findns schee
Mia singan boarisch, is de fia eich ok?
Mia woin amoi s’Titelblatt
Vo jeder gscheidn Zeitschrift sei
Seitenlange Interviews
Do wan ma voi dabei
Redn so richtig gscheid daher
Schließlich homma jo studiert
Foahn an Frieden in da Welt
A wons koan intressiert
«Des san moi guade Grundvorraussetzungen fia heid, ois ondare wär schwierig
geworden, hätt mas glaub I obbrecha kina. Fia jedn der’s nu ned woas.
Mia san de Zwoa Bier. I stö eich schnö de Band vor. Recht vo neba mir,
links vo eich, des is da Sepp und jetz spuin ma weida.»
Mia woin amoi ins Ausland fahrn
Vielleicht sogar bis Nürnberg rauf
Olle woin uns singa hern
Und strömen an zuauf
Doch I fiacht, dass des nix werd
Es hom si a Leid scho beschwert
Wei oa Soch, de is wirklich bled
Weil uns hoid kaum oana vasteht
Mia singan boarisch findns schee
Mia singan boarisch, des fia uns ok!
Und olles ondre is uns wuascht