Пакуль сьпяваю

Яны зьядуць мяне, пакуль сьпяваю.
Так будзе кожны вечар, калi сьпяваю.
Мяне бяруць дахаты,
Каб зьесьцi стужкi касэт
Са шклянкамi гарбаты падчас размовы.
Яны вядуць мяне да брудных ложкаў.
Так будзе кожны ранак, пакуль сьпяваю.
Я буду апрануты як чалавек з натоўпу,
Нiбы глытнуў атруты, але ж сьпяваю.
Яны даюць мне грошы, бо я сьпяваю.
I кожны мусiць ведаць, каго кахаю.
I кожны мусiць ведаць,
Што вымушае мяне
Сьпяваць да скону тое, што я сьпяваю.