Müşahidələr Toplusu

Səssiz bir yerdə
Dəniz sahilində
Yandır bir mahnı
Söndürüb dünyanı
Bir anlıq düşün
Görünməyən neçə
Şəxsiyyətimiz yatır içimizdə?
Nəqarət
Bir bax səmaya
Bənzəmirikmi biz göydəki aya?
Görünməyən tərəflərimiz də var
Kim anlaya bilər bizləri tanrım?
Yalnız səndən başqa
Niyə?
Geridə buraxdıqlarımız üçün darıxdıq
Sahib olduqlarımızdan sıxıldıq
Əl çatmaz olanlara isə bizlər
Hər zaman tutulduq
Niyə?
Yaralar sağaldıqca unuduruq səhvləri
Eyni səhvlər, yalanlar
Yalanlar da artıq iyrənib bəraətimizdən
Cavablar kimdədir?
Görəsən neçə kədər gərəkdir
Bir uşaq gülüşü, xoşbəxt etsin bizi.