The Trooper and the Maid or the Trumpet Sounds at Burreldales

A trooper lad cam here at ane
Frae ridin he was weary
A trooper lad cam here at ane
And the muin shone bricht an' clearly
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
She’s taen the trooper by the hand
An' led him tae the chamber
She’s gien him brid and wine tae drink
An' his love, it flard like tinder
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
She’s made her bed baith wide an' lang
Made it like a lady
She’s poued her petticoats ower her heid
Cryin, «Trooper, are ye ready?»
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
He’s taen aff his big top coat
Likewise his hat an' feather
He’s taen his broadsword fae his side
Oh an' he’s lain doun aside her
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
The trumpet sounds at Burreldales
Sayin man an' horse mak ready
The drums are beat at Steinman Hill
Lads, leave yer mams and daddies
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
The fifes do play at Cromletbank
Lads, leave the Lowes o Fyvie
The trooper tae the fair maid said
«Bonnie lassie, I maun leave ye.»
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
«Fan will ye come back again?
An' fan will we marry?»
«Fan frost an' snaw daes warm us aw
Oh, it’s then I winna tarry.»
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
She’s poued her coatie ower her heid
An' followed him doun throu Stirling
But she grew so fou that she coudna bou
An' he’s left her in Dunfermline
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye
Cheese an' breid for carles and dames
Corn an' hay for horses
Aye, cups o tea is for auld wives
Aye, an' lads for bonnie lasses
Lassie, I’ll lie near ye yet
Bonnie lassie, I’ll lie near ye
And I’ll gar aw yer ribbons reel
In the mornin ere I leave ye