The Bonnie Lass O' Fyvie

Well, there once was troop o' Irish dragoons
Cam' marchin' doon through Fyvie O
Captain’s fa’en in love wi' anither bonnie quine
Oh the name that she had was pretty Peggy O
«Oh come runnin' doon yer stairs, pretty Peggy, my dear
Come runnin' doon yer stairs, pretty Peggy O
Come runnin' doon yer stairs, tie back yer yellow hair
Tak' a last fareweel tae yer daddie O
Well, it’s braw, it’s braw captain’s lady for tae be
It’s braw tae be a captain’s lady O
Braw tae rine and rant, aye tae follow wi' the camp
Oh an' march when yer captain, he is ready O
Now the colonel, he cried, «Mount, boys, mount, boys, mount»
Oh the captain, he cried, «Tarry O
Tarry for a while, for anither day or twa
Just tae see if this bonnie lass will marry O»
Oh but syne e’er we cam' up tae Bethelnie toon
Wir captain we had for tae carry O
An' syne e’er we cam' up tae bonnie Aberdeen
Oh wir captain we had for tae bury O
Well, there’s mony’s a bonnie lassie in the howe o' Auchterless
There’s mony’s a bonnie dame in the gearie O
There’s mony’s a bonnie Jean in the toon o' Aberdeen
But the flo’er o' them a' bides in Fyvie O
Well, it’s green grow the birks on bonnie Ythan side
An' low lie the Lowlands o' Fyvie O
The captain’s name was Ned, an' he died for a maid
Oh he died for the sodger lass o' Fyvie
Aye, there once was troop o' Irish dragoons
Cam' marchin' doon through Fyvie O
And the captain’s fa’en in love wi' anither bonnie quine
Oh the name that she had was pretty Peggy O
Fyvie O