Kusina

Alas-sais na naman at
Manonood ka ng balita
Magsisindi ka ng yosi
At magsusunog ka ng baga
Lumalamig ang sinaing
At wala pa ring hinahain
Tuloy ang buga
At kulay abo na ang hangin
Kumukulo ang 'yong tiyan
Nanunuyo ang lalamunan
Umiinit ang kalan
Ang ulam natin
Nasaan?
Alas-dose na nga
At nagsasabon ka pa ng pinggan
Pinapasma ang kamay
Pinupulikat pati ang isipan
Nag-ring ang telepono
Ang boyfriend mong driver ng taxi
Nakabalik na raw siya
Pero meron siyang bagong babae
Kumukulo ang 'yong tiyan
Nanunuyo ang lalamunan
Nagpunta ba sa Japan?
Aking ligaya
Nasaan?
Alas-tres ng umaga
Nasa tuktok ng gusali
Mag-ba-bungee jumping
Pababa tatalon, walang tali
Bubuka, luluwa
Ang babagsakan ay semento
Sa wakas malalaman
Ang dugo pala’y lasang adobo
Nagkalat ang iyong laman
Ang apdo mo ay saan-saan
Nagpunta ba sa Japan?
Aking ligaya
Kumukulo ang 'yong tiyan
Nanunuyo ang lalamunan
Nagpunta ba sa Japan?
Aking ligaya
Nasaan?