Zwöituusig

13 jahr mis härzbluet da drigsteckt, beats checkt
Mit zylä ydeckt, bruchä niemer wo mir dryredt
Schaffes us eigeter chraft u rissä mini jungs mit
Bis jedä bechunt was är verdient blibä mir hungrig
Müessä üs nid versteuä wie diä rapper wos scho gschafft hei
Wo sägä wes richtig charts geit, dases nüm i irerä macht steit
Was das ageit bhauti d`zügu i dr hand
Mini musig isch dr wind wo mir mini flügu spannt
Ziäh übers land, verbreitä sound winä stereo-effekt
Ha mini seelä no nid verwettet, bruchä kenä wo mi entdeckt
Di szenä het komplexä, hiä meint jedä är sig perfekt
Si wei rächt bhautä unds ächt hautä
Doch kenä vo denä hets cheggt
Immerhin ig weiss wasi cha, doch wäg däm häbi nid ab
Blib uf dr reis niemeh stah, gibä ändlech richtig gas
Schlussändlech wägem spass, schribblockadä föh im chopf a
Binä hochsensiblä schnyder, s`git ke stoff wen ig ke bock ha
Sit zwöituusig machi musig bi uf d`erinnerigä stouz
Au di mixtapes u shows, ha mi ging no nid verchouft
Machäs wüuis bruchä, nid us niderä motiv
Ohni si wäri verlorä gsi y derä schlimmä zyt
Ha ke druck vomnä label, ig ha nur mi eigät
Und höcheri asprüch a mi säuber aus di meistä
Mah mi nid überau zeigä, stah nid gärn im mittupunkt
Muesses aber dases dusse irgendöper mitbechunt
Nickät nur chly mit und meinet dir chöit iz drüber urteilä
Mit dä steinä im wäg chamä ou es huus statt e muur zeichnä
Buuh-schreiär rissä d`frässä nur uf bis si druuf gheiä
Nei di kennä mi immer no nid numä wüu si mini tunes teilä
Vilech chöi si mi dür das e chly besser verstah
Stepp jedä tag ufä takt u schribä di textä ufs blatt
I ha nid z`gfühu ig sig dr best hiä aber i legäs druf a
Zeigä das sech jedä da i derä stadt verbesserä cha
Es git dir chraft wes solang machsch bis e wundä verheilt
Es git ke platz im palast für erzwungenä fame
Jedä satz ladet ballascht bisnä d`lungä nüm treit
Drum wird dran bastlet bises passt und uf dr zungä zergeit
Mini nummer eis, bini nid bi irä bini mir am zyt vertribä
Ou bim büglä oder bim pennä woti nur witerschribä
Ig ha nur zyt für si und wot ou gar ke witäri näh
Wen ig di autä liäder losä, füehli mi wiä ir zytmaschinä
Sit zwöituusig machi musig bi uf d`erinnerigä stouz
Au di mixtapes u shows, ha mi ging no nid verchouft
Machäs wüuis bruchä, nid us niderä motiv
Ohni si wäri verlorä gsi y derä schlimmä zyt