Nixon Baba

شرفت يا نيكسون بابا يا بتاع الوتر جيت
عملوا لك قيمة وسيما سلاطين الفول والزيت
فرشوا لك أوسع سكة من راس التين على مكة
وهناك تنفذ على عكا ويقولوا عليك حجيت
ما هو مولد ساير داير شيلاه يا صحاب الييت
جواسيسك يوم تشريفك عملولك دقة و زار
تتقصع فية المومس و القارح و المنضار
و الشيخ شمهورش راكب عالفونيا و هات يامواكب
و بقيت الزفة عناكب زاحفين على حسب الصيد
ما هو مولد ساير داير شيلاه يا صحاب البيت
عزموك فقالوا تعالى تاكل بمبون وهريسة
امت انت لانك مهيف صدقت ان احنا فريسة
طبيت لحقوك بالزفة يا عريس الغفلة يا خفة
هات وشك خذلك تفه شوبش من صاحب البيت
واهو مولد ساير داير شيلاه يا صحاب البيت
خد منى كلام يبقالك ولو انك مش حتعيش
لاحجول اهلا ولا سهلا ولاتيجي ولا ماتجيش
بيقولوا اللحم المصري ماطرح مابيسري بيهري
وده من تأثيرالكشرى والفول والسوس ابو زيت
واهو مولد ساير داير شيلاه ياسى صحاب البيت