Құс жолы

Аспан, аспан шайдай ашық,
Жұлдыз, жұлдыз қандай қашық.
Құс жолы, ғарыш көкке туған жерден
Телмірем жандай ғашық.
Қолға келіп қонса жұлдыз,
Жанға серік болса жұлдыз.
Ғарышқа қанат қақты самғап
Туған жерден қанша ұл-қыз.
Құс жолы шақырады арман құсап,
Жұлдыздар жайып алдан құшақ.
Жаса мәңгі, жырға толы өлкем,
Жаса мәңгі, нұрға толы көркем өлкем!
Сен, Отан, достық әннен қуат алған,
Бақыт құсы бүгін ұя салған.
Келді жайнап бала көктем,
Күткен еді дала көптен.
Шалғынды тербей есті ерке самал,
Жібектей жаңа леппен.
Ауыл, саған талмай ұштық,
Бұлақ суын қанбай іштік.
Қарлығаш ұя салған туған
Үйлер бізге қандай ыстық.
Кең дала шақырады арман құсап,
Жұлдыздар жайып алдан құшақ.
Жаса мәңгі, жырға толы өлкем,
Жаса мәңгі, нұрға толы көркем өлкем!
Сен, Отан, достық әннен қуат алған,
Бақыт құсы бүгін ұя салған.
Жаса мәңгі, жырға толы өлкем,
Жаса мәңгі, нұрға толы көркем өлкем!
Сен, Отан, жастык әннен қуат алған,
Бақыт құсы бүгін ұя салған.