Chhod De Sari Duniya

Kaha Chala Aye Mere Jogi, Jeewan Se Tu Bhaag Ke
kisi Ek Dil Ke Karan, Yun Sari Duniya Tyaag Ke
chhod De Sari Duniya Kisi Ke Liye
yeh Munaasib Nahin Aadmi Ke Liye
pyaar Se Bhi Zaroori Kayi Kam Hain
pyaar Sab Kuchh Nahin Zindagi Ke Liye
chhod De Sari Duniya Kisi Ke Liye
tann Se Tann Ka Milan Ho Na Paaya To Kya
mann Se Mann Ka Milan Koi Kam To Nahin (2)
khushboo Aati Rahe Door Hi Se Sahi
saamne Ho Chaman Koi Kam To Nahin (2)
chand Milta Nahin Sabko Sansaar Mein
hai Diya Hi Bahut Roshni Ke Liye
chhod De Sari Duniya Kisi Ke Liye
kitni Hasrat Se Takti Hain Kaliyan Tumhe
kyun Bahaaron Ko Phir Se Bulaate Nahin (2)
ek Duniya Ujad Hi Gayi Hai To Kya
doosra Tum Jahan Kyun Basaate Nahin
dil Ne Chaahe Bhi To Saath Sansaar Ke
chalna Padta Hai Sab Ki Khushi Ke Liye
chhod De Sari Duniya Kisi Ke Liye