Ghjirulatu

Cum'è un agrottu di furtuna
Cun sempre l’aghja testimone
Duve famiglia un hè chè una
Di notte pagna à lu lampione
Straziendu vita à tutte l’ore
Sai l’angoscia à dorme fora
Dai fiatu piu che pena
Si marinu chi sumena
Cum'è un paese clandestinu
Tu si rigughju di l’alpana
Ai rumenzulu mal caminu
Un stagnarone per funtana
Ci campa omu ma perche
Ci campa omu d’un so chè
Dai fiatu piu che pena
Si marinu chi sumena
Cum'è un paese citadella
Cum'è un paese ricanfortu
A l’infinita faci stella
Chi d’esse compru megliu morte
Ma lu to raggiu trova via
Cu la to ghjente in armunia
Dai fiatu piu che pena
Si marinu chi sumena
Cum'è un paese muritoghju
Si paradisu purgatoriu
In lu caminu suatoghju
Prima sunatu lu mortoriu
Cun tè fratellu petre in manu
Per l’inghjustizia è lu furdanu
Dai fiatu piu che pena
Si marinu chi surnena