Chi diceranu

Chì diceranu i lindumani
I nostri cori paisani
Cumu faranu e cuscenze
À truvà d’altre pacienze
Chì lasciaremu à i figlioli
E nostre pene i nostri doli
A notte porta u penseru
È ci disceta l’addisperu
Cumu faranu i nostri amori
À suminacci d’altri fiori
Chì truveremu cum'è scusa
À u presente chì ci accusa
A vita quì hè digià dura
Oghje ci vene a paura
Si stanu zitte e ferite
E soca voi ùn le sentite
Chì ci tumbate tante brame
È fate pienghje e nostre Mamme
Un ghjornu eo è l’altru tù
I nostri sogni à corpu insù
I nostri cori ùn ponu più
Un ghjornu eo è l’altru tù
I nostri cori ùn ponu più
I nostri cori ùn ponu più …