Na casa col cacaro

'Ndemo cua, cuanti ovi gavì fato?
Ocio, che no credì de fare 'e furbe
Uno soeo? Ma no 'e xe gaine da ovo 'ste cua?
'E magna 'e caga ma ovi no ghe 'i 'n fa
'E fa de quee merdette verde
«Uauaua» cossa?
Medrano più Catarrhal Noise
Parla come che te magni e bon apetito
Pensa pa' 'l tuo
Me piase co' xe caldo stare in canpi fin tardi
In conpagnia del can e fra e gambe sincue gati
A proposito, i gati mii no magna scatoete
Sarà par cueo che in giro no go pì maregoete
Inpianto meansane, pomodori, tegoine
Fasoi, sucoi e altre streie de gombine
Senpre là che sapo, sterpo e cavo erba
E co' xe ora de concime cossa butto? Merda
Se capisse, varda cua' a roba come ea' cresse
Sto ano verse sofegae e patate esse
Ocio, spanocio fin che no so' in zanocio
Fasso marendin a pan biscoto e sepe in tocio
Taco su ea' stua e fasso ea' poenta so ea' caliera
Go 'na secia de fasoi che destegoeo stasera
Gnente de speciae so miga un grebano
Ma gnanca riso in bianco e 'na gamba de sedano
'Na casa co' 'l granaro, un leto e un armaro
Cusina col seciaro, un fogo che fa ciaro
'Na casa col cacaro, tetoia pa' 'l chiaro
Gaine so' 'l ponaro e pa' da' drio un leamaro
'Na casa co' 'l granaro, un leto e un armaro
Cusina col seciaro, un fogo che fa ciaro
'Na casa col cacaro, tetoia pa' 'l chiaro
Gaine so' 'l ponaro e pa' da' drio un leamaro
Sie dea matina e me svejo co un grejo
Bevo un cafeate e salto via come un conejo
Sì, sì, sì, sì, sì, fasso un CD e xe okay
Ma prova ti a staghe drio aea staea co' i porsei
Al bosco de castagni pa' moeare calche liegore
Me manca soeo un fia' de posto pa' moeare e piegore
Moeare dò porsei in meso ae vegne che i rumega
Bigoi co ea' uganega e 'na fiasca daea caneva (E i rumega, rumega, rumega)
Co' vago Ciosa (No vegno) porto casa i bisati
Un fia' de radiceto e fasso festa co' i tosati
A mi el me piase cruo, a tanti coto col formajo
Scaltrìo so 'na tecia co' dò spigoi de ajo
Purè col museto, sopressa co' 'l spago
E dopo sora tuto un bel un tocco de Asiago
Se tratta de minestrina de dado
Contro pan biscoto e vin rosso col saeado
'Na casa co' 'l granaro, un leto e un armaro
Cusina col seciaro, un fogo che fa ciaro
'Na casa col cacaro, tetoia pa' 'l chiaro
Gaine so' 'l ponaro e pa' da' drio un leamaro
'Na casa co' 'l granaro, un leto e un armaro
Cusina col seciaro, un fogo che fa ciaro
'Na casa col cacaro, tetoia pa' 'l chiaro
Gaine so' 'l ponaro e pa' da' drio un leamaro
Me voe el tenpo che me voe co me sento a toea
Mi no so el tipo da patate e coca coea
Do minuti fa ea' fia, magna de corsa e scanpa via
— moro casa mia no te saji porcaria —
Crema de sparasi, — crema de cachi —
Crema de cavoi, — score come raudi —
Ghe xe na gran difarensa che te senti fra el profumo de casada
— e ea' spussa de cassada —
X2 go un deo che xe zaeo, e me fa mae el caeo
Prima che vegna sera taio e onge del cavaeo
Go un deo che xe zaeo, e me fa mae el caeo
Prima che vegna sera ghe tiro el coeo al gaeo