In mien Hart

Eegentli wull ick noch’n bet länger bliem,
Eegentli wull ick noch ni gahn.
Weer noch veel to seggen un veel to kriegen,
Har mi noch so veel vörnahm.
Weer noch eegentli geern 'n bet länger bleem,
Doch de Tied löpt gau vörbi.
Wo ick afbliev, dat kann keener seggen,
Doch vergeten war’ck Di nie.
Doran kann keener wat ännern,
Doran kann keener wat dreihn.
Un schullst Du di doran ärgern,
Will ick hoffen, Du kannst mi dat verzeihn.
Man kann nich immer alles regeln,
Mutt uk lehrn, sick to fögen.
Un kunn man sülben allens verännern,
Weer ick glieks dorbi, dat musst Du mi glöben.
Weer noch eegentli geern 'n bet länger bleem,
Doch de Tied löpt gau vörbi.
Wo wi afbliem, dat kann keener seggen,
Doch vergeten war’ck Di nie.
Wat passeert, wer weet,
Bloß eens kann’ck seggen,
In mien Hart blivt Platz för Di,
In mien Hart blivt Platz för Di.