Luna nova

La luna nova, 'ncopp'a lu mare,
stènne na fascia d’argiento fino.
Dint’a la varca, lu marenaro,
quase s’addorme cu 'a rezza 'nzino.
Nun durmí, scétate, oje marená',
vótta 'sta rezza,
penza a vucá.
Nun durmí, scétate, oje marená',
vótta 'sta rezza,
penza a vucá.
Dorme e suspira stu marenaro,
se sta sunnanno la 'nnammurata.
Zitto e cujeto se sta lu mare,
pure la luna se nc'è 'ncantata.
Luna d’argiento, lass' 'o sunná,
vásalo 'nfronte, nun 'o scetá.
Luna d’argiento, lass' 'o sunná,
vásalo 'nfronte, nun 'o scetá.
Comm’a nu suonno de marenare,
tu duorme, Napule, viata a te.
Duorme ma, 'nzuonno, lacreme amare,
tu chiagne Napule, scétate, scé'.
Puózze na vota resuscitá.
Scétate, scé', Napule, Na'.
Puózze na vota resuscitá.
Scétate, scé', Napule, Na'.