Per Du

Ich wache uf — glichi Ziit wie immer
Bin ufem Wäg richtig Arbetsplatz
Gliche Zug, glichi Lüt wie immer
Bevorzug glich, es freis Abteil z’ha
Bevori de Bahnhof verlah, holi jede Tag es Kafi für chli Arbeitsmoral
Zünde d’Marlboro ah und nimm en letschte Zug wie immer
Denn klapp de Laptop uf
Ab denn isch fertig mit easy, will während s’Telefon schället
Tippi scho Formle und Zahle i mini Excel-Tabälle
Und fraged d’Arbetskollege, obi s’neue Restaurant känne
Am Egge gäbs eh neue Thai
Säge nä-hä, so wie immer
Will was neu isch, isch fremd
Und was fremd isch macht Angscht
Und die Angscht füehrt zu nix, nei sie füehrt zu nix
Und darum dänki mitem Verstand
Leg mis Läbe nid ih d’Hand vo es bitzeli Angscht
Wills sich sicher nid lohnt
Ha kei Angscht vo chli Angscht, ich ha Wichtiges vor
Ich ha es Date mit mim Läbe
Chum mer machet doch per du
Chum mer machet doch per du
Chum mer machet doch per du
Chum mer machet doch per du
Mier wärid doch gar nid so anderscht
Wärid ähnlich aber stönd üs mängisch sälber im Wäg
Sind üs nid Wälte entfernt, mer hend üs bloss nie verstande
Nur will mier üs nie kenneglernt hend
Mier hend die gliche Platte diheime im Platteregal
Ziehnd ide Nacht bis spat um d’Hüüser und verschlafet de Tag
Lueget die gliche Blockbuster, nur i anderer Sprach
Wärid üs ähnlich aber fraget nid nah
Und drum lass üs doch per du mache
Ufwache, nid i Schublade denke
Will üs kei Huutfarbe usmachet, üs nid vonenand trännet
Das wo mer vonenand kännet, isch das was mer weiss
Wenn mer sich noni kännt
Lass üs per du mache, chum setzemer dem ganze es Änd
Will was kännsch, isch vertraut
Nur was kännsch isch nid fremd
Und du vertrausch nur was kännsch
Alles andere macht Angscht
Und darum dänki mitem Verstand
Leg mis Läbe nid ih d’Hand vo es bitzeli Angscht
Wills sich sicher nid lohnt
Ha kei Angscht vo chli Angscht, ich ha Wichtiges vor
Ich ha es Date mit mim Läbe
Chum mer machet doch per du
Chum mer machet doch per du
Chum mer machet doch per du
Chum mer machet doch per du