M'hann ciamaa

El pioveva da trii dì
S’eri in cà coi mè dolor
M’hann ciamaa de, la ringhera
Perché gh’era giò, dù sciori per parlamm (a mi?)
Hoo miss-sù el mè tirasass
Hoo cominciaa a andà-giò di scal
E hoo sentii quei oeucc su la mia s’cenna
Hoo capii l’era per ti
L’ispetor l’era on brav’omm
El savea nò 'me comincià
«…so' disgrazie 'e chillo ambiente
Voi sapete…»
Ma s’te voeuret savè, cosa? Che ròba?
Semm rivaa a destinazion
De dree mi, davanti lù
E t’hoo vista smorta de fà compassion ai sass
Sotta on brutt lenzoeu bianch
E te s’eret propri ti
Hoo sentii strengiom el coeur
Stess cavej, la stessa boca granda
El stess fà de toeu-in-gir semper la gent!
E m’hann ditt che t’hann trovaa
T’hann trovada su i Bastion
Mi gh’hoo dii che l'è nò vera
No, che te s’eret minga ti…
Mi gh’hoo dii che l'è nò vera
Che te s’eret minga ti…