Магутны Божа

Духоўны гімн Беларусі
"Магутны Божа"
Магутны Божа! Уладар сусьветаў,
Вялізных сонцаў і сэрц малых,
Над Беларусяй, ціхай і ветлай
Рассып праменьне свае хвалы.
Дай спор у працы, у дзённай, шэрай.
На хлеб штодзённы, на родны край.
Павагу, сілу і веліч веры
У нашу праўду, у прышласьць дай.
Дай урадлівасьць жытнёвым нівам,
Учынкам нашым пайшлі ўмалот.
Зрабі свабоднай, зрабі шчасьлівай
Краіну нашу і наш народ.