Bonustrack

Itz lahn i d Chatz usem Sack mach Platz de tanze d Müüs, der Staat isch blank
wüu d Banke tüür
Hey Aute, mach der klar, faus ders nid wüsst verdammt nomau genau für das zaut
me Stüüre
Damit di Boss flügt wener vo sim Thron stürzt und dank em Fauschirm sanft
landet bi St. Moritz
Faus nid di Job verliersch wird der der Lohn gchürzt damit vor der Bonzehütte
witerhin es Boot schwümmt
Früecher hei Investitione mit höcher Rändite irgenwo grossi Risike bracht
Und hüt ischs e so dass di blöde Wichser Millione verspilen und gwöhnlechi Lüt
Risike trage
Früecher si si mit affige Masken und gladner Waffe mit Gwaut id Bank yydrunge
Und hüt stöh si mit Grawattechnopf und Aktekoffer scho gschalet i der
Schauterhauen ume
Dir sit zgross zum gheie
Mir si zdoof, das zmerke
Öich isch ds Brot verleidet
Dir weit meh, weit itz Fleisch und Bluet
U wed Bank mau in Not wird si
Hiuft der Staat sicher grosszügig
Und faus du mau am Bode liggsch
Muesch ellei und ohni Hiuf wider ufstah
Si aues armi Junkies, si chöi gar nümm ohni
Hange a dere Sprütze voupumpt mit Boni
Du fingsch es ungrächtfertigti Belohnig
Verschohn mi mit so fiese Gschichte, di si schwär in Ornig
Mir meines ärnscht, darfsch jetz gwüss nid lache
Das si aues Manne wo sech würk es Gwüsse mache
Si chöi chuum me schlaffe, ihri Tröim si bitter
gsäch se lieber hinger Gitter
Es het schwarzi Schaf aber di meischte si Opfer
Wärde leider immer au i glych Topf gschosse
Okay i gibes zue: oh i sött ungerscheide
Zwüsche Brandschatzer und dene wos verleidet
Si schribe zwar wüetigi Läserbriefe
U wüsse au ganz genau wi mes besser miech
Aber wenigschtens löh die ihre Stutz uf der Bank
Und ohni Stutz uf der Bank wäre mir scho lang blank
Ds Heiligtum vor Schwiz ufgäh bini nid bereit
Ds Bankgheimnis bedütet Sicherheit
Jede vo üs aune het chly Dräck am Stäcke
Sit so hartnäckig wine Zägg im Äcke
Dir stürzet üsi Nation i Abgrund derzue sit der schadefroh, schreiet sarkastisch
Grossi Banke si was d Schwizer bruche
Genauso wi d Häxe der Schitterhuuffe
Dir sit zgross zum gheie
Mir si zdoof, das zmerke
Öich isch ds Brot verleidet
Dir weit meh, weit itz Fleisch und Bluet
U wed Bank mau in Not wird si
Hiuft der Staat sicher grosszügig
Und faus du mau am Bode liggsch
Muesch ellei und ohni Hiuf wider ufstah
Dir sit gross
Aber mir si grösser
Hey dir sit viu
U mir si viu meh
Dir heit Milliarde
Aber Mann, mir si Milliarde