O La

On boug té ka promenéy
Lèw gadé i ped chimen ay
Mé adan malè ay chans ay fèy rivé koté on bel kaz
I pa poséy trop kestion
I rantré an didan ay
Pou touvé propriétè a kaz la douvan’y
Ki té paré pou mandé'y
O la ou soti o la?
O la ou kalé o la?
Boug la koumansé palé
Rakonté ki jan i té ped
Ki jan kaz ay té trop lwen
Pou i té pé rantré
A lè lannuit té ja tonbé
I mandé propriétè
Siy té pé rété ti bwen
Boug la diy pa ni pwoblem
Invitéy rantré
Mété on manjé assi difé
Mé la nonm la ki té ped la
Vwè tout' boté an didan kaz la
Touvé manjé la byen a gou ay
Koumansé mal gadé moun la ki té rècèvway
I pa té vlé kité plas la
Apré yon dé 3 jou i té la
I désidé tchouyé boug la
Pou y té volé kaz la é pran tout zafè ay