Her domet

Ich wor als Säugling schon ne Tünnes
Su ne kleine fiese Mömmes
Wor der ganzen Dag am Brülle
Un kräht immer minge Welle
Han us Futzigkeit jedresse
Un de Mamm en de Bross jebesse
Dät vör Wod och jään ens speue
Un de Pänz de Nüggele kläue
Wollt nor de Rosinge pecke
Wann jet wor, mich flöck verdröcke
Wann ich irjendwo jet soch
Jung, dann kräht ich nie jenog
Her domet, her domet
Her domet, her domet
Alles för mich, un nix för üch!
Alles för mich, un nix för üch!
Un dann späder en der Schullklass
Wor ich immer dä dä god drop opgepass
Hät, sSich gefährlich
Systematisch unentbehrlich
Üvverall leev Kind ze maache
Ungen tredde, bovven laache
Av un zo en klein Intrije
Hee jet lüge, do bedröge
Hatt bejreffe, dat em Levve
Nemme schöner es wie jevve
Han mich su, ens laut, ens kusch
Pö a pö dodurchjefusch
Her domet, her domet
Her domet, her domet
Alles för mich, un nix för üch!
Alles för mich, un nix för üch!
Un met däm, wat ich jeliert hatt
Han ich mir dann üvverlaht
Jung, wat wells de, Jung wat kanns de
Womet küss de et bess parat
Doch dä Wäg wor vürjejovve
Un ich han mich engeschrevve
En die Bücher der Partei
Genau genomme woren et drei
Un do mähs de Karriere
Deis et all nor för die Ehre
Un et Sonderhonorar
Gitt et selvsverständlich nor en bar!
Her domet, her domet
Her domet, her domet
Alles för mich, un nix för üch!
Alles för mich, un nix för üch!
Her domet, her domet
Her domet, her domet
Alles för mich, un nix för üch!
Eets kummen ich un dä Ress för üch!