Соңлама, кил инде

Ак чәчәк ата балан,
Күмелгәч гөлгә алан.
Яшь йөрәк еш тибә,
Искән җилләр миңа: «Сөйгәнең килә», — дисә,

Кил, кил, кил,
Кил, иркәм, мин көтәм,
Соңлама, кил инде,
Елмаеп көл инде,
Сагындым, бәгърем, сине.

Алып кил син, дускаем,
Сандугач тавышкаен,
Мәхәббәтнең сафын,
Энҗеләргә хасын,
Алып кил, аккошкаем.

Кил, кил, кил,
Кил, иркәм, мин көтәм,
Соңлама, кил инде,
Елмаеп көл инде,
Сагындым, бәгърем, сине.