Kapit (From "Alone / Together")

Sa gabing kay dilim
Hinahanap ko ang kahulugan ng mga
Panahong lumipas lang
Nang walang pasintabi
Ako ay iniwan
Mga matang noon ay may kislap pa
Ngayon ay mugtong-mugto sanay sa luha
Sadyang ganto nga ba ang mabuhay dito sa lupa?
Kaya higpitan ko ang kapit sa mga kamay ng oras nang 'di 'to lumipas lang
Sana ay aking sinulit ang panahon na tayo’y mga bata pa
Ilang araw na rin
Na tuluy tuloy lang ang ulan
Hindi mawari kung ito ba’y malalagpasan
Pilit sa putik aking pupulutin nang isa-isa
Mga pangarap kong nabasag tila bubog sa paa
Ang bahaghari ba’y nagpapakita lang talaga?
Kaya higpitan ko ang yakap sa’yo
Alam ko na hindi 'to magtatagal
Sana ako’y maalala mo na ganito
Higpitan ko ang kapit sa mga kamay ng oras
Nang 'di na maiwan pa
Nais ko lang ang masilip ang nakaraan
Hihigpitan ko ang kapit sa Diyos
Paliwanag na rin
Ito na’t parating
Matatapos ang lahat ng pagsubok na ito