Je Vivroie Liement

Je vivroie liement
Douce creature
Se vous saviés vraiement
Qu’en vous fust parfaitement ma cure
Dame de meintieng joli
Plaisant, nette et pure
Souvent me fait dire 'ai mi!'
Li maus que j’endure
Pur vous servir loyaument
Et soié seüre
Que je ne puis nullement
Vivre einssi, se longuement
M dure
Car vous m’estes sans mrcy
Et sans pité dure
Et s’avés le cuer de mi
Mis en tel ardure
Qu’il morra certeinnement
De mort trop obscure
Se pour son aligement
Merci n’est procheinnement
Meüre