Debrouya

Ian misè, wè sa trist
Pov tini anko plis
Sa ki ja ni vlé plis
Sa sé avaris
Lè ou pa ni, ou obligé fè débrouya
Fè tou sa ou pé pou soti en brouya
Lajouné ka travay rèd, lè swa sé masé ko la
Pou pé ni asé fos pou lèlandèmen la
Lévé gran bonnè maten, bényé, abiyé
Kouri poté mannèv, fè sa ou ni pou fè
Timoun ka pléré pa ni lajan an potfèy
Oblijé fè krédi a ka Man Rojé
La vi sé kon pil ou fas
Lè ou pov, ou byen ou pov
Ou ka mandé bondyé fos
Pou-w pa pwan pon ti enpas
Pou-w pé avansé dwèt dwèt douvan
Soti an soufwans
Man pa flipé, pa lagé, pa blésé
Pa fwéné, pa tonbé, pa sizé, pa pléré
Pa changé, pa stopé, pryé dyé
Pa lésé babylon ri dèy é zanmi-aw
Lévé tèt aw, pa jen bésé tèt aw
Toujou rété mèt aw, toujou péyé dèt-aw
Rété mèt an tèt-aw, an jou sé ké fèt-aw
Pas jah jah sé li sèlman ki pèr nowèl
Sé li ki mété-w well
La vi té ké two bèl
Si tou lé jou sé té nowèl
Ou ka travay non stop kon machin
Kon moun ki ka pran kokayin
Ou ka kenn kon pil alkalin
Pou timoun-aw pa konnèt famin
Yo ka pwenté dwèt si-w an lari
Lékol, timoun-aw pa ka ri
Pon moun vlé pa yo pou zanmi
Yo rèjèté pas yo pa ni
Lè sa rèd sé pen é sawdin
Menm lè biten la clean
Fo-w ay pwan sèl aka la vwazin
Ou ka priyé pou on jou sa fin
Lè sa rèd sé pen é sardin